لي صاحب مرة قالي

عايزة اقولك على سر عندي

انا قلت ماشي " لعله خير "


وبدأ كلمنا


احكي يا بابا .. مالك في ايه ؟؟

مافيش حكاية

امال في ايه ؟؟

في بنت حلوة "ولمعت عينيه"

قلت ابتدينا .. طيب دي ايه؟؟

قال هي واحدة مش شايفة غيري

رديت عليه حلو الكلام

قالي اسمعي من غير كلام

مش شايفة غيري ومش حاسة بي

شايفاني طبعا لكن غبية

دايما باحاول اقولها

وارجع باخاف من صدها

البنت دي فوق الخيال

مابقولش انا بس ع الجمال

بحبها

وان جت ف يوم واتجننت

وفكرت تحبني

هاشيلها من ع الأرض شيل

هاخلي احلامي معاها واقع جميل

هارسملها الدنيا بحور وانا شطها

وهاقولها ايام زمان كان حبها

ياخد همومي كل ليلي ويضمني

من شوق للهفة كان ياخدني يردني

كنت اما باسرح ف اللي جاي

مابشوفش غير الرضا من قلبها

وكلام يرد الروح سماعه منها

حتى الخناق .. كنت احبه منها

تعملي ثورة وف ثانية يرضى قلبها

وتقولي بابا خلاص بقى

انسى اللي كان والبسمة يلا نردها

احيان كتير كنت اما باتعب الاقيني بانده اسمها

واقفل جفوني ف ثانيتين بابقى شايف رسمها

واحلم باني هناك معاها ف قلبها

وان اللي عشت تملي بيه .. ده نبضها

هاقولها هي الوحيدة اللي ف يوم عرفتها

وانا كنت واثق مش هالاقي زيها

تسدقي خلاص تعبت وهابعت قلبي يقولها


من غيرما احس


لقيتني قلت يا بختها

عرفني بس باسمها

وانا اروح وعنك اقولها

هاقولها عن كل حاجة بحبها

لو شافتك زي اكيد هاتعترف بحبها


فجأة لقيته ماشي وسايبني

عمال يقول انتي غبية

والتفت وقالي انا قلتلك


مش شايفة غيري ومش حاسة بيّ

وقلتلك ما اعرفش غيرها

وقلتلك عنها غبية



ومشي وسابني



والحيرة واكلة عقلي من وقتها

والدنيا دايما لافّة بي

ياريته بس كان حكى عن اسمها

يارته بس كان حكى مين تبقى هيّ

تسسـلمم ي غغـآلي

تسسـلمم ي غغـآلي

تسسـلمم ي غغـآلي

تسسـلمم ي غغـآلي