لا إلَهَ إلاَّ الله وحْدَهُ لا شَرِيكَ لَهُ، لَهُ المُلْكُ ولَهُ الحَمْدُ وهُوَ على كلِّ شيءٍ قَدير، الحَمْدُ لله وسُبْحانَ الله ولا إله إلا الله والله أكبر ولا حَولَ ولا قُوةَ إلا بالله
الجمعة 18 أغسطس 2017, 7:31 pm الجمعة 17 أبريل 2015, 12:08 pm الإثنين 05 يناير 2015, 7:48 pm الإثنين 05 يناير 2015, 7:30 pm الإثنين 05 يناير 2015, 7:23 pm
الجد : يا بنتي أنا رجال دقة قديمة وبلبس متل ما جيلنا تعود يلبس حسب التقاليد القديمة تبعنا الحفيدة : بس مو حاسس إنك مخنوق وانت لابسه؟ الجد : أبداً هادا هو هادا اللبس المحتشم اللي مفروض الكل يلبسه ويحافظ عليه .. فين أيام زمان لما كنا نلبس البدي يلي مبين البطن والظهر بس، مع البنطلون السترتش الجلد والجوانتي الجلد... كانت شغلة آخر موضة
الحفيدة : ياي يا جدو .. انتوا كان ألكم تقاليد غريبة الجد : وهو انتي فاكرة إن أيامكم هي أيام؟ يا بنتي أيامكم هي مو عيشة ايههههههه .. فين أيام سنة 2009م ، هو الواحد فينا كان بيسترجي يشرب سيجارة البانجو ولا يسحب له سطر بودرة قدام أبوه؟ الدنيا كانت تنقلب فوقاني تحتاني .. لكان شو .. كان فيه شغلة اسمها أخلاق الحفيدة : يلطيف عل التعئيد يلي كان عندكم معقول يا جدو؟ للدرجة هي؟؟
الجد :لكن ياجدو انتي شو مفكرة.. وبعدين كانت الست من هدول ما تلبس اللبس الخليع تبع اليومين هدول .. يعني التنورة كان لا يقل طولها عن شبر ونص .. وكانوا الستات يلبسوا فوقها بلوزة باستمرار .. مو متل هلاق
الحفيدة : يا ييييي.. وشو كمان ياجدو الجد: شو بدي قلك ولا قللك ياجدو .. يعني خدي عندك مثلاً .. زمان كنا نسمع الطرب الأصيل لمطربين حقيقيين متل ريــــــــــــــــــــــــان مصطفى قمر ، وعمرو دياب ،تامر حسني الله على هديك الايام وكانت الأغنية مدتها أكثر من دقيقتين متواصلين والمطرب يضل عم يغني بالفيديو كليب بدون ما يتعب هادا الطرب الأصيل والسريع يلي بيسلطن الواحد عليها كانوا مطربين بحق وحقيق وكله كوم والست كوم تاني
الحفيدة: ومين الست هي يا جدو الجد: في حدا مابيعرف مين الست يا عيب الشوم ... نانسي عجرم شلون لما بتغني نص ونص هاده هو الطرب الاصيل اييييه ولا وينك يا ست هيفا على غنيتك بوس الواوا يلي بتبكي الدبب وبتكون لابسة لبس محتشم مومتل هالايام الحفيدة : الله يرحم ايامهم وبعدين
الجد : وبعدين كنا نسمع على شغلة اسمها سي دي ليزر ، هي مظبوط انقرضت ، بس كان الها طعم عن هالايام ، يا سلام لما كنا نحمل هاالmp3 ونحط السماعت ونمشي في الشارع ،، كانت أيام حلوة الحفيدة : حكاياتاك كتير حلوة وممتعة يا جدو .. ثانية واحدة بس لما فيق سوسو صاحبي لأنه نايم معي في الأودة من مبارح ..
(بعد عدة دقائق) هيه يا جدو .. وبعدين الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيد عن ستين سبعين او تسعين تلميذ ، وكنا ساعتها بنعرف نفهم الدرس منيح مو متل هالوقت ، وكانت الشوارع أيامها فاضية لأنو سورية كلها كان تعدادها 22مليون مو أكثر ، تخيلي بقى الروقان اللي كنا فيه؟ الحفيدة : 22 مليون بس؟
الجد : لكن شو .. مشان هيكه كان كل شي رخيص ، يعني مثلاً كيلو اللحمة كان بس ب600ليرة لما كان الواحد يروح هو ورفقاته عل المطعم ياكل احلى لحمة وكبة وسلطة ويشرب وينبسط مع اركيلة ب700ليرة، و احلى سباط ب1200ليرة ، و يشتري سيارة ب1.5 مليون وغرام الدهب ب1200ليرة يعني هلق بكيلو لحمة كنت بتشتري شي 15 غرام دهب وكان الواحد يقدر يشتري شقة بتنظيم كفرسوسة لاحظي بالتنظيم بـ 29 مليون ليرة بس .. وكان الدولار 47 ليرة بس تخيلي بقى؟ وكانت دقيقة المكالمة عل الموبايل ب4 ليرات يعني شو بد يقلك يعني عاشين عيشة ممممموا شو حلوة هص الله كانت المي بعين الفيجة باول الصيف تخدق خدق ونروح نحنا ورفقاتنا نتعشى وين هلق صار عليها بنايات ونشفت شو بدي احكيلك لاحكيلك
كنا نحط البطيخة تكفي شي 3 ل4 اشخاص وين هلق البطيخة قد الزيتونة ما بتكفيني لوحدي ايييه كان في بركة الحفيدة : ياييي اديش كانت بزمانكن الحياة كتير حلوة و سهلة ورخيصة مشان هيك كان الجواز على أيامكم سهل الجد : لكن يا بنتي .. نحنا كان الواحد بمجرد ما يوصل سن 35 سنة يبتدي يفكر في الجواز مباشرة ، وما كان عندنا الأفكار الغريبة اللي بتعملوها هلق متل إن البنت تعد مع الولد كم سنه قبل الجواز وبتجيب منه كم ولد وبيجوز الولد يحضر عرس امه وابوه متلك انتي وسوسو صاحبك ، أنا شخصياً شايف إنو هادا وضع مو مظبوط ، نحنا يا بنتي على أيامنا كان لا يمكن البنت تتأخر برات البيت عن الساعة واحدة صباحاً ، لانو ابوها كان ممكن ساعتها يزعل منها الحفيدة : انتو كتير كنتو متشددين ياجدو!! الجد : يا بنتي نحنا تربينا على الأخلاق والفضيلة والعادات والتقاليد .. ولما كان الواحد منا يدخل الأسانسير ويلاقي جاره في الأسانسير ممكن يفكر يصبح عليه ، ومو بعيد كان يسأله عن أحواله ... و لما كان الواحد مسطح ويفوت ابوه عل الاوضه كان يسلم عليه مو متل هالايام هههه وقت امه تقلوا للواحد بزمانا عل الغرض بعد نحر وشخر وشي كم بهدلة يساويه بعد كم ساعة حاجي بئة كان في احترام مظبوط كان الاب والام ينحرو نحر ويجرو جر للواحد مشان يدرس بس كان يفلح بالجامعة بعد ما يطالع روح اهله وكانوا أهل الفن محتشمين جداً متل الفنانة العريقة ناديا الجندي سمية خشاب وداليا البحيري وكانوا دايماً يطلعوا بالمايوهات البيكيني ، والمذيعات كانوا يقعدوا جنب الضيف مو على ركبته متل هالايام... هيـ يـ يـ يـ ـه الله يرحم هديك أيام
الجمعة 18 أغسطس 2017, 7:31 pm
موضوع:حوار بين حفيده وجدها عام 2019 
