السلام عليكم
كيدرتو لاباس بيخ بيخ ؟؟

وايني راكوم عفارت مجهدين غير فلقص ها العيد جاي وارا برع فلماكل و الشوا هههههه

بغيت نعاود ليكوم هاد المره على شي حوايج طراولي فلحمام مؤخرآ

ماكاتلاحظوش فالحمامات البلديه ديالنا فيها السعايه بزآآف
كاين لي ماكايجيب معاه والو تال الحمام ويبدا يطلب !
يهز الطاسه ويبدا يدور على عباد الله شويا ديال الشامبوان نسيتو عافاك

ولا عطيني الكيس ديالك ملي تسالي عافاك

عطيني بلاصتك

الحكاكه ديال الرجلين عافاك
الصابون عافاك
الكرسي عافاك


كولشي للطلب

داك النهار مشيت للحمام بحال ديما وبغيت ندير الخير قاليك
جلست بين جوج عيالات كايعرفو بعضياتهوم فالاول قبل ما تجلس حدايا لي على يدي اليمين كانت جالسا مور ضهري كاتسنا البلاصه طلبات لهاديك لي حدايا الما قلت ليها اراي نعطيه ليك (باغيا ندير الخير) وهي تندمني ملي جلسات حدايا وهي تبدا فلهضره معا هاديك لي حدايا من جهة اليسار دودوودودودودودودودو

ضروني فراسي ويلا مامسمعاتش شي حاجه والمراه غليظة تبارك الله كاتكا عليا انا كلها بشحمها ولحمها وعظامها

قالو ناس زمان قنطار والا يد بشر

شويا وهوما يسرحو رجليهوم من جيهتي بجوجهم وبقاو على الهضره فشي وحده جبدو السيرة الذاتيه ديالتها

قاليك بغيت ندير ديك ديالت الابتسامه في وجه اخيك صدقه وخرجوها مني

ومن بعد لي من جهة اليسار جابت الطاسه ديالتها وحطاتها لفوق وهزات طاستي بلا شوار

بدات كاتهز بيها لما وتغسل شعرها للعلم هاديك لقيتها سابقاني

شويا ابتسمت ليها وقلت ليها واش سرقوليك الطاسه ؟ قاتلي لا هاهيا ديالتي هزيت فيها الما بارد مابغيتش نرميه

وانا مالي ومال لما البارد لا حول ولا قوة الا بالله العلي العظيم

هزيت طاستي من بعد ما سكتو تا ضرني راسي وبدات هضرتهوم كادور فراسي طننننننننننننننننننن

ملي قلت تهنيت وهي تجي وحده مع نيت كنت قريبه نكمل وهي تقولي عطيتي بلاصتك ابنتي ؟ قلت ليها لا غير نسالي خوديها وهي تقولي الله يرضي عليك فرحت وهي تحط السطل حدايا وهي تجلس ملاصقه معايا والمراه غلييييييييييييييييظه ضايقاتني ففففففففففف

وانا نقول اعود بالله من الشيطان الرجيم الصبر

بالناقص من الله يرضى عليك ديالتك بعدي من شحوماتك

ساليت وخرجت وهاديك مازالا جالسا تما ! الله اعلم هاد العيالات ماكرهوش يسكنو فالحمام ولا يكريوه

بلا مانهضرو على الجميع العشيه كامله وهوما فلهضره دودودودودودودو

كانجي كانلقاهوم كانمشي كانخليهوم ولي كايقتلني كايسولوك شحال خليتي فالساعه فاش جيتي ؟؟

كاينين شي وحدات غير التبركيك كاتحنزز فهادي وفهاديك

كاينه لي كاتجيب ولادها كاملين كايشدو صف كامل ديال البلايص وسيري جلسي نتي فالبارد
وكاينين لي خاصهوم غير يدابزو الله يسمح لينا و ليهوم ويهدينا و يهديهوم

باراكا من السعايه الله يرحم الواليدين
المرجو جمع حوائجكم قبل اسبوع وشكرآ

الله يهدي ما خلق

شعارنآ :
لنغير سلوكنآ



مع تحيات اللجنة الوطنية للمساليات الديمقراطيه


راه الانتخابات هادو واماتنساوناش الله يرحم لواليدين